عزام اللحیانی کے مطابق ایک دسترخوان 16 میٹر طویل ہوتا ہے جس پر 32 افطار باکسز رکھے جاتے ہیں جو کھجور، کیک اور پائی پر مشتمل ہوتے ہیں۔
افطار کی فراہمی کے لیے خیراتی اداروں اور شخصیات کی جانب سے حرمین شریفین اتھارٹی کی ویب سائٹ پر ای رجسٹریشن کا آغاز رمضان سے قبل ہی کرلیا گیا ہے۔
غیر ملکی ذرائع ابلاع کے مطابق افطار دسترخوان انتظامیہ کے رکن عزام اللحیانی کا اس حوالے سے کہنا ہے کہ مسجد الحرام میں روزانہ 2400 دسترخوانوں کا اہتمام کیا جاتا ہے جس پر ہزاروں افراد افطار کرتے ہیں۔
خیراتی ادارے امیرہ صیتہ ٹرسٹ کی جانب سے 150 رضاکاروں کی مدد سے 9 ہزار افطار باکسز کو تقسیم کیا جاتا ہے، جس میں 6 ہزار مسجد الحرام کے اندر جبکہ 3 ہزار بیرونی صحن میں تقسیم کیے جاتے ہیں۔
خیراتی ادارے امیرہ صیتہ ٹرسٹ کے کارکن سامی الزھرانی کا کہنا تھا کہ ٹرسٹ کا آغاز 12 سال قبل ہوا تھا۔
164
