لندن:برطانیہ میں فلم واٹس لوو گاٹ ٹو ڈو وِد اِٹ؟ کی نمائش سے قبل مقامی اخبار کو انٹرویو میں جمائما خان نے لوو اور ارینج میرج پر کھل کر گفتگو کی اور عمران خان سے 21 سال کی عمر میں شادی، پاکستانی میں قیام اور شادی کے انجام پر بھی گفتگو کی۔
انٹرویو میں جمائما خان نے اس پچھتاوے کا اظہار بھی کیا کہ کاش میری ارینج میرج ہوئی ہوتی تو یہ میرے حق میں زیادہ بہتر ہوتا۔ اگر میرے والدین سمجھدار ہوتے تو ارینج میرج میرے لیے سود مند ہوتی۔
اپنی شادی کے وقت کو یاد کرتے ہوئے جمائما خان نے بتایا کہ اگر میری ارینج میرج ہوتی تو وہ میرے لیے زیادہ بہتر ہوتی، میں اس وقت اعلی معیار اخلاق کی تلاش میں تھی۔
چیئرمین تحریک انصاف عمران خان کی سابق اہلیہ جمائما گولڈ اسمتھ نے ارینج اور لو میرج کے فائدے اور نقصان پر بات کرتے ہوئے کہا کہ اپنی شادی کے وقت مجھے اعلی اخلاقی معیار کی تلاش تھی۔
اس فلم میں معروف بھارتی اداکارہ شبانہ عظمی کے علاوہ پاکستانی اداکارہ سجل علی نے بھی اہم کردار ادا کیا ہے۔ فلم میں ایشیائی کلچر کو خاص اہمیت دی گئی ہے۔
فلم واٹس لوو گاٹ ٹو ڈو وِد اِٹ؟ برطانیہ میں اس ماہ نمائش کے لیے پیش کی جانے والی جمائما خان نے لکھی ہے۔ اس فلم کی کہانی برطانیہ میں مقیم پاکستانی سمیت مختلف کمیونٹیز کے درمیان ہونے والی ارینج میریجز پر مبنی ہے۔ فلم کو ستمبر 2022 میں ٹورنٹو انٹرنیشنل فلم فیسٹیول میں دکھایا گیا۔
55
