91کراچی: سالہ لیجنڈری فنکار گزشتہ چند دنوں سے کراچی کے اسپتال میں زیرِ علاج تھے۔
پاکستان شوبز کے لیجنڈری اداکار و ہدایتکار ضیا محی الدین انتقال کر گئے۔ان کی نماز جنازہ بعد نماز ظہر ڈیفنس فیز 4 امام بارگاہ یثرب میں ادا کی گئی۔
ضیا محی الدین 20 جون 1931 کو پنجاب کے شہر فیصل آباد میں پیدا ہوئے۔ لیجنڈری اداکار نے کیریئر کے آغاز میں تھیٹر اور اسٹیج پر پرفارم کیا، انہوں نے 1953 سے 1956 کے دوران رائیل اکیڈمی آف ڈرامیٹک آرٹ لندن سے تربیت حاصل کی۔
1970 میں جب وہ پاکستان آئے تو پاکستان ٹیلی ویژن پر ضیا محی الدین شو کے نام سے اسٹیج پروگرام شروع کیا جو بیحد مقبول ہوا۔
ضیا محی الدین کے والد کو پاکستان کی پہلی فلم تیری یاد کے مصنف اورمکالمہ نگار ہونے کا اعزاز حاصل تھا جبکہ ضیا محی الدین نے نیشنل اکیڈمی آف پرفارمنگ آرٹس کے قیام سے ادارے کی صدارت سنبھال رکھی تھی۔
ضیا محی الدین کو 2003 میں حکومتِ پاکستان کی جانب سے ستارہ امتیاز سے نوازا گیا تھا۔2012 میں صدرِ پاکستان نے انہیں ہلالِ امتیاز سے نوازا جبکہ 2017 میں دبئی میں مقیم پاکستانی کمیونٹی کی جانب سے انہیں لائف ٹائم اچیومنٹ ایوارڈ سے بھی نوازا گیا۔
1960 میں ای ایم کے ناول پیسیج ٹو انڈیا کے اسٹیج ڈرامے میں ضیا محی الدین نے ڈاکٹر عزیز کا کردار ادا کیا تھا جبکہ اس کے بعد مشہور فلم لارنس آف عریبیہ میں بھی کام کیا۔ وہ اسٹیج سے جڑے رہے اور لاتعداد ڈراموں کے علاوہ ہالی وڈ فلموں میں بھی کام کیا۔
109
