اس ٹورنامنٹ میں کل 55 میچ کھیلے جائیں گے۔ پہلے مرحلے کے مقابلے یکم جون سے 18 جون کے درمیان کھیلے جائیں گے۔
پاکستان کا پہلا میچ چھ جون کو امریکہ کے خلاف شیڈول ہے۔ اس کے بعد انڈیا اور پاکستان کی ٹیمیں نو جون کو سامنے آئیں گی۔
پاکستان کا تیسرا میچ کینیڈا کے خلاف 11 جون کو شیڈول ہے جبکہ گروپ مرحلے میں پاکستان اپنے آخری میچ میں 16 جون کو آئرلینڈ کے مدِمقابل ہو گا۔
سپر ایٹ مرحلے کا آغاز 19 جون سے ہو گا اور 25 جون کو ہونے والے اس مرحلے کے آخری میچ کے بعد ٹورنامنٹ کی سیمی فائنلسٹ ٹیمیں سامنے آ جائیں گی۔
ٹی 20 ورلڈ کپ کا سیمی فائنل 27 جون اور فائنل 29 جون کو کھیلا جائے گا۔
