85

مجھے راستے سے ہٹانے کی کوشش کی جارہی ہے، عمران خان

بونیر:امپورٹڈ حکومت لانے اور ہماری حکومت گرانے کے لیے بھارت، امریکا اور اسرائیل نے مل کر سازش کی، ہمارے تین سالہ دور حکومت میں پیٹرول 56 روپے مہنگا ہوا جب کہ ان کے صرف دو ماہ میں پیٹرول 60 روپے مہنگا ہوا، ہمارے دور میں ڈیزل 50 روپے بڑھا جب کہ ان کے دور میں 60 روپے مہنگا ہوگیا، ہمارے دور میں 20 کلو گرام آٹے کا تھیلا 326 روپے بڑھا جب کہ ان کے دور میں یہی آٹھے کا تھیلا 422 روپے کا ہوگیا جب کہ خیبر پختون خوا میں آٹا اور بھی مہنگا ہے کیوں کہ انہوں نے پنجاب میں سبسڈی دی ہے۔
عمران خان نے بونیر میں جلسہ عام سے خطاب کرتے ہوئے کہا ۔کہ زرداری اور نواز شریف اب مجھ پر غداری کا مقدمہ چلائیں گے جن کا سب کچھ باہر پڑا ہے، وہ زرداری جو امریکا سے حقانی کے ذریعے کہتا ہے کہ مجھے فوج سے بچالو اور وہ نواز شریف جو پاناما کیس میں پکڑا گیا وہ سزا یافتہ، مفرور اور جھوٹ بول کر بھاگا ہوا فیصلہ کرے گا کہ میں غدار ہو؟
عمران خان نے کہا کہ ایک نواز شریف ہے جس کے منہ سے بھارتی جاسوس کلبھوشن کا نام کبھی نہیں نکلا کیوں کہ شریف خاندان کے بھارت کی بزنس کمیونٹی سے تعلقات ہیں، نواز شریف نے کبھی نریندر مودی کے خلاف بات نہیں کی، مودی پاکستان کے آرمی چیف کو دہشت گرد اور وزیراعظم کو دوست کہتا تھا۔
زرداری اس ملک کی بہت بڑی بیماری ہے، پیسے دیکھ کر زرداری کی کانپیں ٹانگنے لگ جاتی ہیں، اسی طرح فضل الرحمان ہے جسے سوچنا چاہیے کہ اسے اللہ نے اتنی ذلت کیوں دی؟ فضل الرحمان نے ہمیشہ ذاتی مفاد کی سیاست کی۔

اس خبر پر اپنی رائے کا اظہار کریں

اپنا تبصرہ بھیجیں