156

بچوں میں کرونا کی علامات کیا ہوتی ہیں؟ ماہرین نے بتا دیا

برطانیہ میں ماہرین نے بچوں میں کروناوائرس اور ان میں علامات سے متعلق والدین کو آگاہ کیا۔غیرملکی خبررساں ادارے کی رپورٹ کے مطابق بچوں میں کروناوائرس کی بہت سی علامات ہوسکتی ہیں، تاہم کچھ ایسی علامات ہیں جو اگر بچوں میں نمایاں ہوں تو فوری طور پر والدین کو اقدامات اٹھانا ہوں گے۔برطانوی ماہرین کا کہنا ہے کہ اگر بچہ غیرمعمولی بخار کا شکار ہوجائے یا سانس لینے میں شدید دشواری پیش آرہی ہو اور ساتھ ہی کھانسی نہ رکے تو یہ بچوں میں کروناوائرس کی علامات ہوسکتی ہیں۔ماہرین نے والدین کو خبردار کرتے ہوئے کہا ہے کہ ایسی صورت میں والدین بچوں کو اسپتال نہ لے کر جائیں بلکہ برطانوی وزارت صحت کی جانب سے دیے گئے ہنگامی نمبروں پر رابطہ کریں۔واضح رہے کہ مذکورہ علامات بچوں میں کروناوائرس کا صرف شبہ ظاہر کرتی ہیں، لہذا ایسی صورت میں ٹیسٹ کرانا ناگزیر ہے۔ خیال رہے کہ برطانیہ میں محکمہ صحت نے خصوصی نمبرز جاری کیے ہیں جن کے ذریعے کروناوائرس سے متعلق معلومات سمیت مریضوں کے ٹیسٹ کے لیے بھی رابطہ کیا جاسکتا ہے۔

اس خبر پر اپنی رائے کا اظہار کریں